Сесија за кариерно советување на средношколци

14 NOV | SATURDAY 12:00 - 14:00 | Rooms: Amphitheatre

Сесијата за кариерно советување е наменета за средношколци кои се наоѓаат пред важни одлуки поврзани со продолжувањето на образованието и изборот на идна професија. Преку структурирани активности за самоспознавање, идентификување на личните интереси, способности и вредности, како и истражување на образовните и професионалните можности, учениците ќе имаат можност да ги препознаат своите потенцијали и да размислуваат за идните кариерни насоки. Сесијата ќе се реализира преку интерактивен пристап, индивидуална рефлексија и дискусија, со цел да се поттикнат самостојното донесување одлуки, критичкото размислување и преземањето одговорност за личниот и професионалниот развој. Посебен акцент ќе биде ставен на информираниот избор на студии и професија, усогласувањето на личните аспирации со реалните можности и изработката на почетен план за понатамошни чекори во кариерниот развој. Очекуваниот резултат е учениците да стекнат поголема јасност во однос на своите интереси и цели, да ги препознаат можните кариерни патеки и да бидат подготвени за поинформирани одлуки за својата иднина.